फागुन २०, काठमाडौं । यात्रुसँग निर्धारित भन्दा बढी भाडा असुल्ने पाँच जना काठमाडौँबाट पक्राउ परेका छन् । काठमाडौंको बल्खुबाट आज शनिबार बिहान ट्राफिक प्रहरीले उनीहरूलाई पक्राउ गरेको हो।
होलीको अवसर पारेर काठमाडौंबाट बाहिरी जिल्ला जाने काउण्टरहरेले र चालकहरुले यात्रुहरूसँग निर्धारित भन्दाबढी भाडा लिने गरेको गुनासो आएपश्चात ट्राफिकले सादा पोशाकमा समेत जनशक्ति परिचालित गरी बढि भाडा असुल्ने चालक तथा काउण्टरका व्यक्तीलाई पक्राउ गरेको हो।
पक्राउ
पर्नेमा सुविधा काउण्टरमा र लालिगुराँस काउण्टरका काउण्टर सञ्चालक र सोही काउण्टरबाट
सञ्चालित बस तथा सुमोका चालकहरु रेहेका छन् । काठमाडौँ उपत्यका ट्राफिक प्रहरी
कार्यालयका प्रवक्ता एवम् प्रहरी वरिष्ठ उपरीक्षक राजेन्द्रप्रसाद भट्टले बढी असुल
गरेको भाडा सम्बन्धित यात्रुलाई फिर्ता गरिएको र नियन्त्रणमा आएका पाँचै जनालाई
आवश्यक कारबाहीका लागि प्रहरी वृत्त कालीमाटीमा बुझाइएको जानकारी दिएका छन ।
- न्युज बहार संवाददाता
