असार ६,
काठमाडौँ। साताको चौथो कारोबार दिन अर्थात आज बुधबार नेप्से परिसूचकमा १४.०५ अंकको
गिरावट आएको छ।
आज नेप्से ०.६८
प्रतिशतले घटेर २०५०.७८ बिन्दुमा पुगेर बन्द भएको हो।
अघिल्लो दिनको तुलनामा बुधबार
नेप्से परिसूचकसँगै कारोबार रकम पनि घटेको छ।
हिजो ४ अर्ब ११ करोड रुपैयाँको
सेयर कारोबार भएको बजारमा आज कारोबार रकम घटेर ३ अर्ब ४९ करोड ८ लाख १६ हजार २०३
रुपैयाँमा सीमित भएको हो।
आज नेप्सेमा २७१ वटा
धितोपत्रको ८६ लाख ३९ हजार ६४४ कित्ता सेयर किनबेच भएको छ।
बुधबार नेप्सेमा सिटी होटलको सेयरमूल्य सर्वाधिक ९.९७ प्रतिशतले बढेको छ भने सेयरमूल्य सर्वाधिक घट्ने कम्पनीमा ग्रीन भेञ्चर्स रहेको छ। आज सिटी होटलको सेयर मूल्य २६१ रुपैयाँ पुगेको छ र ग्रीन भेञ्चर्सको ४५३ रुपैयाँमा झरेको छ।
यस दिन नेप्सेमा शिवम् सिमेन्टको सर्वाधिक कारोबार भएको छ।
- न्युज बहार संवाददाता
