चैत २४, काठमाडौँ
। आज चैत्र शुक्ल नवमी अर्थात रामनवमी पर्व भगवान् श्री रामचन्द्रको पूजा आराधना
गरी श्रद्धा भक्तिपूर्वक मनाइँदैछ ।
अयोध्याका
राजा दशरथ र महारानी कौसल्यादेवीको सुपुत्रका रूपमा श्री रामचन्द्रको जन्म त्रेतायुगमा
चैत्र शुक्ल नवमीकै दिन भएको थियो । विष्णुको सातौँ अवतार भगवान रामचन्द्रको जन्म कुण्डलीमा
चन्द्रमाका साथ वृहस्पति रहेको कर्कट लग्नको योग परेको थियो ।
राम नवमीका अवसरमा नेपालको जनकपुर र भारतको अयोध्यामा रामलीला प्रदर्शन
गरिन्छ । यस दिन देवी पूजा गरी रामचन्द्रको पूजा, पाठ एवं आराधना गरेमा ‘श्री’ प्राप्त हुने शास्त्रीय मान्यता रहेको
छ ।
आज काठमाडौँको
बत्तीसपुतलीस्थित राम मन्दिर लगायत अन्य शक्तिपिठहरुमा भक्तजनको चहलपहल धेरै देखिएको
छ ।
- न्युज बहार संवाददाता
