जेठ ६, काठमाडौँ। आईपिएल - इण्डियन प्रिमिएर लिगमा हिजो राती भएको ६६ औं खेलमा राजस्थान रोयल्सले पञ्जाब किंग्सलाई ४ विकेटले पराजित गरेको छ। यस जित सँगै राजस्थान रोयल्सले प्लेअफ दौडमा आफ्नो आशा जीवित राखेको छ भने पञ्जाब किंग्स प्लेअफको दौडबाट बाहिर निस्किएको छ।
हिजो राती धर्मशाला मैदानमा राजस्थान रोयल्सले टस जितेर पहिले फिल्डिङ रोजेको थियो । यता पहिले ब्याटिङ गरेको पञ्जाबले २० ओभरमा ५ विकेट गुमाएर १८७ रन बनाउन सफल भएको थियो। जवाफमा राजस्थानले १९.४ ओभरमा ६ विकेट गुमाएर १८८ रनको लक्ष्य पुरा गरेको हो ।
यो जितसँगै राजस्थान तालिकाको पाँचौँ स्थानमा पुगेको छ । लिग अन्तर्गतको सबै खेल खेलेपछि उसको खातामा १४ अंक छ । अब राजस्थानले प्लेअफमा प्रवेश गर्नको लागी मुम्बईको हार र बेंगलुरुको ठूलो हारको लागि प्रार्थना गर्नुपर्ने हुन्छ।
- न्युज बहार संवाददाता
