जेठ २८, काठमाडौँ। नेपाली क्रिकेट टोली आइसिसी एकदिवसी विश्वकप क्रिकेट छनोट प्रतियोगिताका लागि जिम्बावेतर्फ प्रस्थान गरेको छ।
नेपाली टिमले दक्षिण अफ्रिकामा दश दिन तयारी गरिसकेपछि उतैबाट आज जिम्बावे तर्फ लागेको हो।
दक्षिण अफ्रिकामा दश दिन रहदा नेपालले स्कटल्यान्ड र नेदरल्यान्ड्ससँग दुई अभ्यास खेलेको थियो तर यसपाली भने नेपाल दुबै टिमविरुद्धको कमजोर ब्याटिङका कारण पराजित भएको थियो।
अब नेपालले जिम्बावे पुगेपछी प्रतियोगिता सुरु हुनुअघि युएई र ओमानसँग वार्मअप खेल खेल्नेछ।
- न्युज बहार संवाददाता
