मंसिर ५, काठमाडौँ । हिमालय टेलिभिजनले मंसिर ८ गतेदेखि सुरु हुन लागेको नेपालको एकमात्र फ्रेन्चाइज फुटबल लिग ‘नेपाल सुपर लिग’ एनएसएललाई प्रत्यक्ष प्रसारण गर्ने जनाएको छ ।
आयोजक संस्था नेपाल स्पोर्टस एण्ड इभेन्ट म्यानेजमेन्ट कम्पनीका प्रबन्ध निर्देशक श्रेयन्स कार्कीले दोस्रो संस्करणको टेलिभिजन प्रसारण अधिकार हिमालय टीभी एचडीले खरिद गरेको जानकारी दिएका छन ।
यसअघि सन् २०२२ को फिफा विश्वकप फुटबल हिमालय टेलिभिजनले नेपालमा प्रसारण गरेको थियो भने एभरेष्ट प्रिमियर लिग, पोखरा प्रिमियर लिग लगायतका अन्य क्रिकेट प्रतियोगिताको कुशलतापूर्वक प्रत्यक्ष प्रसारण गरिसकेको छ ।
- न्युज बहार संवाददाता
