बैशाख १९, काठमाडौँ। कीर्तिपुरस्थित त्रिवि मैदानमा आज मंगलबार भइरहेको एसिसी प्रिमियर कपअन्तर्गत युएईले नेपालसामु ११८ रनको लक्ष्य राखेको छ। अब नेपालले उपाधि जित्नका लागी निर्धारीत ओभरमा ११८ रन बनाउनु पर्ने हुन्छ।
हिजो सोमबार स्थगित भएको चरणबाट आज सुरु भएको खेलमा युएई ३३.१ ओभरमा ११७ रनमा बनाउँदा अलआउट भयो। आज मंगलबार अन्तिम विकेटको रुपमा युएईका जुनइद शिद्धिकीलाई नेपालका ललितनारायण राजवंशीले कुशल भुर्तेलबाट क्याच आउट गराएका हुन।
आजको भइरहेको खेल पनि वर्षाले अवरूद्ध भएमा ओभर घटाएर खेलिने छ भने ओभर घटाएर पनि खेल सम्भव नभए सुपर ओभर गरी विजयी घोषणा गरिने छ।
सुपर ओभर पनि सम्भव नभएको खण्डमा वरीयताको आधारमा च्याम्पियनको टुंगो लाग्नेछ।
- न्युज बहार संवाददाता
