फागुन १९, काठमाडौं । आईसीसी क्रिकेट विश्वकप लिग टु शृखंला अहिले युएईमा जारी छ । आज हुने तेस्रो खेलमा नेपालले पपुवा न्युगिनीसँग खेल्दै छ।

खेल दुबई इन्टरनेसनल क्रिकेट स्टेडियममा हुने छ भने आजको म्याच नेपाली समय अनुसार बिहान पौने १२ बजे सुरु हुने बताईएको छ ।

नेपाल बिहीबार भएको खेलमा युएईसँग ६८ रनले पराजित भएपछि लगातार पाँच खेलको जित शृखंलामा ब्रेक लागेको छ । आज हुने नेपाल र पपुवा न्युगिनीविरुद्धको खेलमा कमब्याक गर्दै जित निकाल्ने लक्ष्यमा छ ।

नेपालले आईसीसी क्रिकेट विश्वकप लिग टु शृखंलाको पहिलो खेलमै पपुवा न्युगिनीलाई ४ विकेटले पराजित गरेको थियो । तर हिजो भएको दोस्रो खेलमा नेपालका ब्याटम्यानहरुले रन बनारन नसक्दा नेपाल युएईविरुद्ध २०७ रनको लक्ष्य पछ्याउँदा १३९ रनमै अलआउट भयो। यता पपुवा न्युगिनीले भने पहिले नेपालसँग हारे पनि युएईलाई पराजित गरेको थियो ।

लिग टु का खेलहरुमा नेपाल पपुवा न्युगिनीसँग अपराजित नै छ । नेपालले यसअघिको लिग टुको तीनवटै खेल जितेको थियो । समग्रमा हेर्दा नेपाल र पपुवा न्युगिनीले जम्मा ७ ओडिआई खेल खेलेको छ । जसमा नेपालले ५ खेल जितेको छ भने २ खेल पपुवा न्युगिनीले जितेको छ ।

• न्युज बहार संवाददाता