बैशाख १३, काठमाडौँ। आईपीएल - इन्डियन प्रिमियर लिगमा मुम्बई इन्डियन्सलाई साविक विजेतासमेत रहेको गुजरात टाइटन्सले ५५ रनले पराजित गरेको छ । हिजो भएको खेलमा पाँचौ जित हासिल गरेपछी गुजरात अंक तालिकामा दोस्रो स्थानमा उक्लेको छ।
नरेन्द्र मोदी स्टेडियम, अहमेदावाद घरेलु मैदानमा मंगलबार राति टस हारेर पहिले ब्याटिङ गरेको गुजरातले निर्धारित २० ओभरमा ६ विकेट गुमाएर २०७ रनको लक्ष्य बनाएको थियो।
जवाफमा मुम्बईले ९ विकेट गुमाएर २० ओभरमा १५२ रन मात्र बनाउन सक्यो । सात खेलमा पाँचौ जित हासिल गरेको गुजरातले १० अंक जोडेको छ ।
अंक तालिकाको शीर्ष स्थानमा भने चेन्नाई सुपर किंग्स रहेको छ। यता मुम्बई भने यस सिजनको चौथो हार बेहोरेपछी ६ अंक जोडेर सातौं स्थानमा रहेको छ ।
- न्युज बहार संवाददाता
