माघ १६, काठमाडौं । नेपाल क्रिकेट संघ (क्यान)
ले बलात्कारको आरोपमा निलम्बनमा परेका क्रिकेटर सन्दीप लामिछानेलाई टिममा फर्काउने
तयारी रहेको खुलाएको छ ।
केही दिन अगाडी काठमाडौंमा भएको पत्रकार सम्मेलनमा क्यानका अध्यक्ष चतुरबहादुर चन्दले नेपालको विद्यमान कानूनले जे अनुमति दिन्छ त्यसै अनुसार अघि बढ्ने र अहिले खेल्नमा उनलाई रोक्ने कानून नभएको बुझिएको उनले बताए । ‘आईसीसीले पनि नेपालको कानूनले जे भन्छ, त्यही अनुसार गर भनेको छ,’ चन्दले भने, ‘के गर्ने भनेर हामी सरोकारवालासँग छलफलमा छौं।
बलात्कारको आरोपमा थुनामा रहेका सन्दीपलाई उच्च अदालत पाटनले काठमाडौं उपत्यकाबाट बाहिर जान नपाउने गरी २० लाख रुपैयाँ धरौटीमा रिहा गरेको छ । थुनाबाट रिहा भएकाले उनलाई टिममा फर्काउनु पर्ने एकथरीको माग छ भने उनीमाथि बलात्कारको आरोप कायमै रहेकाले टिममा फर्काउन नहुने भन्ने पनि माग छ । अभियोग कायम रहेर हिरासत मुक्त भएपछि राज्यको तर्फबाट खेल्नमा रोकावट नहुने कानून व्यवसायीको तर्क छ ।
