फागुन ९, काठमाडौँ । नेपालले आज आईसीसी विश्वकप लिग–२ क्रिकेटअन्तर्गत नामिबियाको सामना गर्दैछ । खेल त्रिभुवन विश्वविद्यालयको मैदानमा नेपाली समयअनुसार साढे ९ बजेदेखि सुरु हुनेछ ।
पहिलो खेलमा नेपाल नामिबियासँग ४ विकेटले पराजित भएको थियो भने दोस्रो खेलमा उत्कृष्ट कम्ब्याक गर्दै नेपाली टोलीले बलियो नेदरल्यान्ड्समाथि ९ विकेटको शानदार जीत हासिल गरेको थियो । आज नेपालसँग नामिबियासँग बदला लिने अवसर रहेको छ ।
त्रिकोणात्मक शृङ्खलामा तीनै टोलीले २–२ खेल खेलिसकेका छन भने हालसम्म सबै तिनै टोलीले समान एक खेलमा जीत र एक खेलमा हार बेहोरेका छन् । नेट रनरेटको आधारमा नेपाल शीर्ष स्थानमा रहेको छ भने त्यसपछि क्रमशः नामिबिया र नेदरल्यान्ड्स रहेका छन ।
- न्युज बहार संवाददाता
