जेठ १६, काठमाडौँ। चेन्नई सुपरकिंग्सले आइपिएल(इण्डियन प्रिमिएर लिग) २०२३ को उपाधि जितेको छ।
हिजो राती देखी सुरु भई वर्षको कारण मंगलबार विहान मात्र सकिएको खेलमा चेन्नईले गुजरात टाइटन्सलाई डिएलएस मेथडमा ५ विकेटले पराजित गर्दै उपाधि जित्न सफल भएको हो।
आइपिएलको फाइनलमा दशौं पटक खेलेको चेन्नईको यो पाँचौ उपाधि हो।
अहमदावादमा वर्षाले प्रभावित भएको खेलमा चेन्नईले १५ ओभरमा १७१ रनको लक्ष्य पाएको थियो। जुन लक्ष्य चेन्नईले अन्तिम बलमा ५ विकेटको क्षतिमा पूरा गरेको छ।
चेन्नईको जितको लागि अन्तिम ओभरमा १४ रन चाहिएको थियो। स्ट्राइकमा दुवे र जडेजाले चार बलसम्म ३ रन मात्र जोडेका थिए। जडेजाले पाँचौ बलमा गुजरातका मोहित शर्मालाई छक्का प्रहार गरे। त्यसपछि जितका लागि अन्तिम बलमा चौका चाहिएको थियो जसमा जडेजाले चौका नै प्रहार गर्दै चेन्नईलाई च्याम्पियन बनाएका हुन।
- न्युज बहार संवाददाता
