बैशाख ५, काठमाडौं । आईपीएल - इन्डियन प्रिमियर लिग २०२३ अन्तर्गत सोमबार राती भएको खेलमा रोयल च्यालेन्जर्स बेंगलोरमाथि चेन्नाई सुपर किंग्सले ८ रनको रोमान्चक जित निकालेको छ।
चेन्नाईले हिजो रातिको खेलमा २२६ रनको स्कोर डिफेण्ड गर्दै बेंगलोरलाई उसैको मैदानमा पराजित गरेको छ।
बेंगलोरको भरेलु मैदान बैंगलुरुस्थित एम चिन्नास्वामी स्टेडियममा टस हारेर पहिले ब्याटिङ गरेको चेन्नाईले निर्धारित २० ओभरमा २२६ रनको लक्ष्य खडा गरेको थियो भने चेन्नाईले दिएको २२७ रनको लक्ष्य पछ्याएको बेंगलोरले २० ओभरमा ८ विकेट गुमाउँदै २१८ रन मात्र बनाउन सफल भयो।
यो खेलमा जित सँगै पाँच खेलमा
तेस्रो जित हात पारेको चेन्नाई ६ अंक जोडेर अंक तालिकाको तेस्रो स्थानमा उक्लिएको
छ ।
- न्युज बहार संवाददाता
