बैशाख २८, काठमाडौँ। आईपीएल - इन्डियन प्रिमियर लिगमा बुधबार राती भएको खेलमा दिल्ली क्यापिटल्सलाई चेन्नाई
सुपर किंग्सले २७ रनले पराजित गरेको छ । यो जित सँगै चेन्नाईको प्लेअफमा पुग्ने सम्भावना बलियो भएको छ ।
१२ खलेमा सातौं जित हात पारेको चेन्नाई १५ अंकसहित अंक तालिकाको दोस्रो स्थानमा रहेको छ। चेन्नाई अब लिगमा बाँकी भएको दुई मध्ये एक खेल जिते पनि प्लेअफ पुग्नेछ।
यता सातौं हार बेहोरेको दिल्ली ११ खेलबाट ८ अंकसहित अन्तिम स्थानमा रहेको छ भने उसको प्लेअफमा जाने सम्भावना लगभग सकिएको छ ।
चेन्नाईको घरेलु मैदान एमए चितम्बरम स्वामी स्टेडियममा भएको खेलमा १६८ रनको लक्ष्य पछ्याएको दिल्लीले निर्धारित २० ओभरमा ८ विकेट गुमाएर १४० रन मात्र बनाउन सफल भयो ।
- न्युज बहार संवाददाता
