चैत
६, विराटनगर। नेपाललाई विश्वकप छनोटमा पुर्याउन आइसिसी विश्वकप लिग २ मा उत्कृष्ट
प्रदर्शन गरेर योगदान गर्ने क्रिकेटरहरू सम्मानित हुने क्रम जारी रहेको छ।
यही
क्रममा ललित राजवंशी र दिपेश कँडेललाई विराटनगर महानगरले नगद १ लाख १ हजारसहित
सम्मान गर्ने घोषणा गरेको छ।
विराटनगरका ललित राष्ट्रिय टोलीका सदस्य हुन भने दिपेश यु–१९ टोलीका सदस्य हुन्। आइसिसी लिग २ अन्तर्गत युएईविरूद्धको खेलमा ललितले ५ विकेट लिएर करिअरकै उत्कृष्ट सफलता हात पारेका थिए।
युएईविरुद्धको अन्तिम खेलमा पनि ललितले किफायती बलिङ गर्दै १० ओभरमा २७ रन दिएर १ विकेट लिएका थिए। यता दिपेश कँडेलले यु–१९ विश्वकप छनोटको फाइनलमा युएईविरूद्ध ह्याट्रिक गरेपछि नेपाल यु-१९ विश्वकपमा पुगेको थियो।
- न्युज बहार संवाददाता
