माघ ६, स्यांङ्जा । हिजो
माघ ५ गते स्याङजाको वालिङमा राष्ट्रिय स्तरको फुटबल खेल भैइरहेको मैदानमा अकस्मात
अकाशमा उडिरहेको हेलिकप्टर ल्याण्ड गरिएको
छ ।यसरि के कारणले खेल चलिरहेको मैदानमा हेलिकप्टर ल्याण्ड गरिएको हो भन्ने
एकिन हुन सकेको छैन । स्याङ्जाको वालिङमा वालिङ गोल्डकपको सेमिफाइनलमा एभिनियर
एफसी क्यामरुन र वालिङ एफसी जुनियरबीच प्रतिस्पर्धा भईरहेको बेला प्रभु एयरको
हेलिकप्टर मैदानमै ल्याण्ड भएको थियो । यसरी खेल
चलिरहेको बेला बिना कुनै जानकारी खेल मैदानमा हेलिकप्टर ल्याण्ड गरेको भनेर
खेलाडीहरुले आक्रोसीत हुदै पाइलट र यात्रुहरुलाई कुटपिट समेत गरेका छन ।
पाईलटले भने
वालिङकै स्थानियले हेलिकप्टर चार्टर गरेर लगेको र उहाँलेनै हेलिकप्टरलाई खेल
भइरहेको मैदानमा ल्याण्ड गर्न दबाब दिएको प्ररम्भिक अनुसन्धानमा बताएका छन । पाईलट
र अन्य यात्रुहरुको प्रहरीले उध्दार गरेर लगेको छ भने उक्त घटना बारे थप अनुशन्धान
हुदै छ ।
फुटबल खेल भइरहेको बेला बिना कुनै पूर्व सूचना, हेलिकप्टर
मैदानमै ल्यान्ड गर्ने व्यक्तिहरूलाई त्यहाँका क्लब र प्रतियोगिता सञ्चालकले
कारबाही गर्न माग गरेको छ ।
