बैशाख २, काठमाडौँ । आज नयाँ वर्षको पहिलो कारोबार दिन सेयर बजार परिसुचक नेप्से सामान्य अंकले घटेको छ । २०८१ सालको पहिलो कारोबार दिन आइतबार नेप्से परिसूचक २.३५ अंक(०.११ प्रतिशत) ले घटेर २०२३.३५ विन्दुमा बन्द भएको छ।
यस दिन नेप्सेसँगै कारोबार
रकममा पनि सामान्य गिरावट आएको छ । यस दिन ३२० स्टकको ५९ हजार ४२ पटकको कारोबारमा
३ अर्ब ६ करोड ३७ लाख रुपैयाँ बराबरको ७७ लाख ९५ हजार कित्ता शेयर कारोबार भएको छ।
यस दिन बजारमा एक
स्टकको शेयर सकारात्मक सर्किट र एक स्टकको नकारात्मक सर्किट लेभलमा कारोबार भएको
छ। श्रीजनशील लघुवित्तको शेयर आज सकारात्मक सर्किट लेभलमा कारोबार भएको हो भने यस
दिन गुराँस लघुवित्त वित्तीय संस्थाको शेयर नकारात्मक सर्किट लेभलमा कारोबार भएको हो।
यस दिन कारोबार रकमका आधारमा सानिमा माई हाइड्रोपावर
शीर्ष स्थानमा रहेको छ। यस दिन सो कम्पनीको २१ करोड ४७ लाख रुपैयाँ बराबरको शेयर
खरिदबिक्री भएको छ।
आइतबार १३ उपसमूहमध्ये ९ उपसमूहको परिसूचक घटेको छ भने ४
उपसमूहको परिसूचक बढेको छ । आज सर्वाधिक १.९१ प्रतिशतले लघुवित्त उपसमूहको परिसूचक
बढेको छ भने सर्वाधिक १.०३ प्रतिशतले कारोबारमा आएको निर्जीवन बीमा उपसमूहको
परिसूचक घटेको छ।
- न्युज बहार संवाददाता
