भदौ १, काठमाडौँ । थप ५ वटा कम्पनीलाई नेपाल धितोपत्र बोर्डले सेयर ब्रोकर लाइसेन्सको अनुमती दिएको छ । साउन ३२ मा बसेको बोर्ड सञ्चालक समितिको बैठकले २ वटालाई पूर्ण कारोबार गर्ने गरी र ३ वटालाई सीमित कार्य गर्ने गरी थप ५ वटा कम्पनीलाई सेयर ब्रोकरको अनुमति दिएको हो ।
हिमालयन सेक्युरिटिज लिमिटेड सुन्धारा र सनी सेक्युरिटिज कम्पनी लिमिटेड नक्शालले पूर्ण कारोबार गर्ने अनुमति पाएका छन
त्यसैगरी सीमित कार्य गर्ने अनुमति पाउनेमा सजिलो ब्रोकर लिमिटेड ललितपुर, रोडसो सेक्युरिटिज लिमिटेड सुन्धारा र बेनी सेक्युरिटिज प्रालि बानेश्वरले रहेका छन् ।
- न्युज बहार संवाददाता
