चैत २, काठमाडौँ
। हिजो बिहीबार अर्थात चैत १ गतेदेखि नेपाल अन्तर्राष्ट्रिय चलचित्र महोत्सव
(निफ)को सातौं संस्करण सुरु भएको छ । सञ्चार तथा सूचना प्रविधिमन्त्री रेखा
शर्माले महोत्सव उद्घाटन गरेकी हुन । उद्घाटन गर्दै मन्त्री शर्माले आगामी बजेटमा
फिल्म क्षेत्रलाई सम्बोधन गर्ने जनाएकी छन ।
मन्त्री
शर्माले चलचित्र विकास बोर्डलाई निर्देशन दिदै नेपाली फिल्मको प्रवर्द्धन, विकास र सामाजिक रुपान्तरणका लागि
आवश्यक योजना बजेटमा समेट्न सकिने र यसको खाका पेश गर्न भनेकी छन ।
मन्त्री
शर्माका अनुसार नयाँ चलचित्र ऐन ल्याउने गृहकार्य अन्तिम चरणमा पुगेको र छलफलका
लागि विधेयकको मस्यौदालाई चाँडै मन्त्रालयको वेबसाइटमा राखिनेछ ।
मन्त्री
शर्माको धारणाले फिल्मकर्मीको सुझावको आधारमा मात्र विधेयक बन्ने देखिएको छ ।
- न्युज बहार संवाददाता
