साउन २, काठमाडौँ । जथाभावी फिल्मको पोष्टर टाँसेर प्रदूषण गरेको भन्दै काठमाडौँ महानगरपालिकाले एक फिल्म लाई ५० हजार रुपैयाँ जरिवाना तिराएको छ ।
गत शुक्रबारबाट हलहरुमा प्रदर्शनमा आएको नेपाली चलचित्र ‘बगान’को निर्माण कम्पनीले जथाभावी टाँसेको भन्दै महानगरले ५० हजार रुपैयाँ जरिवाना तिराएको हो ।
नेपाली वेवसाइट मिडिया हाउस प्रालि नाम गरेको फिल्म निर्माण कम्पनीलाई महानगर प्रहरी बलले प्रशासनिक दण्ड जरिवाना अन्तर्गत जरिवाना गरेको नगर प्रहरी प्रमुख राजु पाण्डेले बताएका छन । उनले भने ‘दुष्य प्रदूषण र फोहोरमैला गराएकोमा जरिवाना तिराएका हौं, महानगरभित्र जथाभावी पोष्टर टाँस्न नपाइने व्यवस्था छ।’
- न्युज बहार संवाददाता
