मंसिर ६, काठमाडौँ । प्रहरीले सर्वसाधारणलाई सरकारले प्रतिबन्ध लगाएको टिकटक चलाउनका लागि प्रयोग भइरहेको भिपिएन र डिएनएस अवैध तथा असुरक्षित रहेकाले त्यसको प्रयोग नगर्न अनुरोध गरेको छ ।

प्रहरीले यस्ता भिपिएन र डिएनएसबाट प्रयोगकर्ताका गोप्य र महत्त्वपूर्ण डाटा चोरि हुनसक्ने भएकाले त्यस्ता अवैध प्रविधिको प्रयोग निरुत्साहित गर्न आग्रह गरेको हो । 

गत कात्तिक २७ गतेको नेपाल सरकार मन्त्रिपरिषद्को निर्णयबाट पूर्णरूपमा प्रसारणमा बन्देज लगाएको सामाजिक सञ्जाल टिकटक डिएनएस, भिपिएन जस्ता असुरक्षित र अवैध माध्यमबाट सञ्चालन भइरहेको भन्ने सूचना प्राप्त भएको उल्लेख गर्दै त्यसको प्रयोग नगर्न सर्वसाधारणमा ब्यूरोका प्रहरी उपरीक्षक नरेन्द्र चन्दले अनुरोध गरेको छन।

ब्यूरोले भिपिएन, डिएनएसको प्रयोगले प्रयोगकर्ताको डिभाइसमा रहेका व्यक्तिगत विवरण, महत्तवपूर्ण डाटा, बैंकिङ विवरणको समेत पहुँच पुर्याई चोरी हुने र आर्थिक दुरुपयोगका घटना हुने र यस्ता घटना साइबर सुरक्षाका दृष्टिकोणले समेत बढिरहेको पाइएको जनाएको छ ।

• न्युज बहार संवाददाता