माघ १५, काठमाडौँ
। इन्डियन आइडलमा प्रतिस्पर्धामा आएपछी एकपछि अर्को गर्दै चर्चा र
सफलता हात पारिरहेकी नेपाली गायिका मेनुका पौडेलले आर्टिफिसियल इन्टिलिजेन्स (एआई)
जडित स्मार्ट भिजन चस्मा प्राप्त गरेकी छन् ।
चिकित्सकले
इण्डियन आइडलमा प्रतिस्पर्धा गरिरहेकी नेपालकी प्रतिस्पर्धी मेनुका पौडेललाई आर्टिफिसियल
इन्टिलिजेन्स (एआई) जडित स्मार्ट भिजन चस्मा प्रदान गरेका हुन ।
भारतीय
नेत्र चिकित्सक डाक्टर नितिन र रोहनले आइतबारको इण्डियन आइडलको एपिसोडमा मेनुकालाई
एआई जडित उक्त विशेष चस्मा प्रदान गरेका हुन् । मेनुकाले शोको मञ्चमै उक्त चस्मा
लगाएर डेमो प्रदर्शन समेत गरेकी थिइन ।
मेनुकाले
गायिका लता मंगेशकरको गीतमा पर्फम गरेपछि चस्मा उपहार दिन चिकित्सक आइडलको स्टेजमा
उक्लिएका थिए । ‘गिफ्ट अफ
साइट’ भन्दै चिकित्सकले मेनुकालाई चस्मा
दिएका थिए ।
उक्त चस्मामा
क्यामेरा जडान गरिएको छ । क्यामेराले फोटो खिच्ने र सेन्सरले उक्त इमेजबारे
विस्तृत चित्र बनाउने गर्दछ भने चस्माको
सेन्सरमा एआई जडान गरिएको छ ।
- न्युज बहार संवाददाता
