साउन ७, काठमाडौँ । समर्पण कार्कीले न्यु लुक ‘मिस्टर नेपाल २०२३’ को उपाधि जितेका छन् ।
पेसाले पाइलट रहेका विराटनगरका ३२ वर्षीय कार्कीले १८ प्रतियोगीलाई पछि पार्दै मिस्टर नेपाल २०२३’ को शीर्ष उपाधि चुमेका हुन् ।
यससँगै कार्कीले मिस्टर इन्टल्लेक्चुअलको उपाधि समेत हासिल गरेका छन। उनी युवाहरुको माझ प्रेरणाको श्रोत बन्ने उद्देश्यसहित प्रतियोगितामा सहभागी भएका थिए ।
प्रतियोगितामा शीर्ष विजेता कार्कीले नगद ५ लाख बराबरको उपहार हात पारेका छन भने यसको अलवा मिस्टर 'ग्लोबल २०२३’ वा ‘मिस्टर वर्ल्ड २०२३’ मा नेपालको प्रतिनिधित्व गर्ने अवसर समेत प्राप्त गरेका छन् ।
मिस्टर नेपालको फिनाले दरबारमार्गस्थित होटल याक एन्ड यतिमा शनिवार साँझ एक भव्य समारोहकाबीच आयोजना भएको थियो।
- न्युज बहार संवाददाता
