माघ ८, पोखरा । प्रसाद-२ टिमले सामाजिक
सञ्जालमा आफु र आफ्नो टिम माथी लागेको आरोपलाई यसरी जानकारी दिएको छ । प्रसाद -२
युनिट यसो भन्छन “कोरस डान्सर सपना
महर्जन अस्वस्थ भई उपचार क्रममा रहेको अवस्थामा सामाजिक सञ्जालमा फिल्म का
कलाकारसहित यूनिटले बेवास्ता गरेको भन्ने आरोपको खन्डन गर्दछौ, बिरामीको उपचारमा यथोचित सहयोग गरिरहेको र यसमा अनावश्यक भ्रम
नछरिदिई सपनाको शीघ्र स्वास्थ्य लाभको कामना गरिदिन आग्रह गर्दछौ”।
प्रसाद २ टीमले आईतबार पोखरामा घटनाका प्रत्यक्षदर्शी, प्रसाद २ का निर्माता, कलाकार, निर्देशकले पत्रकार भेटघाट गरेको छ।
यूनिटले सपनाको उपचारमा संम्लग्न चिकित्सकसँगको सरसल्लाहमा भोलीका दिनमा आईपर्ने सरसहयोगमा तत्पर रहेको पनि जनाएको छ । पत्रकार भेटघाटमा उपस्थित सपनाकी रूममेट साथीले छायाङ्कन
सकिएपछि सपना होमस्टेमा राती रमाईलो गर्ने क्रममा लडेको, त्यो भन्दा अघि ५ कप कफी आफैं बनाएर खाएको र
बिरामीको मामाले सपनाको टाउकोमा पुरानो दाग देखिएको बताएकोले घटनामा कसैले कसैलाई
नमुछ्न पनि आग्रह गरेकी छन्। निर्देशक सुदर्शन थापाले कार्यक्रममार्फत् सबैको
उद्देश्य सपना स्वस्थ होस् भन्नेमा रहेको र सहयोग गरिरहँदाको अवस्थामा कसैको करिअर,
ईज्जतमा मानमर्दन नगर्न पनि सचेत गराएका छन्।
