साउन ८, काठमाडौँ । बढ्दै गएको होटल संख्याको अनुरूप विद्यमान माग
बढाउँदै क्षमता उपयोग गर्न उपप्रधान तथा अर्थमन्त्री विष्णु पौडेलले नीतिगत सुधार
गर्नेतर्फ सरकार सक्रिय रहेको बताएका छन ।
आज
मंगलबार होटल संघ नेपालका प्रतिनिधिमण्डलसँगको भेटमा उपप्रधान तथा अर्थमन्त्री
पौडेलले नीतिगत सुधार गर्नेतर्फ सरकार सक्रिय रहेको बताएका हुन्।
उनले भैरहवा
र पोखरा क्षेत्रीय अन्तर्राष्ट्रिय विमानस्थलहरूमा अन्तर्राष्ट्रिय उडान बढाउनुका
अतिरिक्त पर्यटकीय तथा राष्ट्रिय महत्त्वका पोखरा, लुम्बिनी, चितवन, राजमार्गहरूको विस्तार गरिने र
स्तरोन्नति निश्चित समयभित्र सम्पन्न समेत गराउने तथा बढ्दै गएको होटलहरूको संख्या
र क्षमता उपयोग गर्न सरकार प्रतिबद्ध रहेको बताएका छन ।
आउँदो मौद्रिक नीतिमा अर्थमन्त्री पौडेलले पर्यटन/होटल क्षेत्रको
स्थायित्व तथा प्रवर्द्धन गर्न अभिप्रेरित रहने समेत बताएका छन ।
- न्युज बहार संवाददाता
