भदौ २१, काठमाडौँ । आज बिहीबारदेखि हाथवे इन्भेष्टमेन्ट नेपाल लिमिटेड कम्पनिले प्रतिकित्ता ५० रुपैयाँका दरले आइपिओ निष्कासन खुला गरेको छ ।
कम्पनिले १२ करोड १३ लाख ८७ हजार ५०० रुपैयाँ बराबरको २४ लाख २७ हजार ७५० कित्ता सेयर सर्वसाधारणका लागि कम्पनीले निष्कासन गरेको हो।
कम्पनीको
आइपिओमा न्यूनतम २० कित्तादेखि अधिकतम १ लाख कित्तासम्म आवेदन दिन सकिने छ ।
भदौ
२५ गतेसम्म कम्पनीको आइपिओमा आवेदन दिन सकिनेछ। उक्त समयसम्म सम्पूर्ण कित्ताका
लागि आवेदन नपरेमा निष्कासन अवधि असोज ४ गतेसम्म रहनेछ।
ग्लोबल
आइएमई क्यापिटल लिमिटेड कम्पनीको सेयर निष्कासन तथा बिक्री प्रबन्धक रहेको छ।
कम्पनीले आइपिओ निष्कासनका लागी गराएको रेटिङमा इक्रा नेपालले 'इक्रा एनपी इस्युर रेटिङ ट्रिपल बी माइनस' रेटिङ प्रदान गरेको छ। यसको मतलब मध्यम स्तरको क्रेडिट जोखिम रहेको जनाउँछ।
लगानीकर्ताले यस कम्पनिमा लगानी गर्न चाहेमा नेपाल धितोपत्र बोर्डबाट स्वीकृति प्राप्त गरेका सम्पूर्ण आस्बा सदस्य बैंक तथा वित्तीय संस्था र तिनका तोकिएका शाखा कार्यालयहरू तथा सिडिएस एण्ड क्लियरिङ लिमिटेडबाट निर्माण गरिएको सफ्टवेयर 'मेरो सेयर' अनलाईन प्रयोग आवेदन दिन सक्नेछन्।
- न्युज बहार संवाददाता
