साउन २२, बागलुङ । विसं २०७६ देखि बागलुङ जिल्लाको ताराखोला गाउँपालिका–२ अर्गलका कृषकले व्यावसायिक रुपमा अलैँची खेती गर्दै आएका छन् ।
सुरुमा कृषक अलैँचीका बिरुवा हुर्किदै गएपछि उत्साहित बनेका थिए तर अहिले एक्कासी अलैँची कृषकहरु निराश हुन थालेका छन् । कृषक निराश हुनुको कारण हो अलैँचीले फल दिने समयमा बोट सुकेर मर्न थाल्नु । यसरी बोटनै सुकेर मर्न थालेपछि कृषकहरु चिन्तित बनेका छन् ।
गाउँपालिकालेनै पूर्वी नेपालबाट बिरुवा लिएर अनुदानमा दिएपछि कृषकहरुले व्यावसायिकरुपमा अलैँची खेती गर्न थालेका हुन् ।
अलैँची असार महिनादेखि फूल्न थालेपछी क्रमश बोट सुक्दै जान थालेको हो । उक्त गाउँपालिकामा लगाइएको अलैँचीका अहिलेसम्म सयौँ बोट सुकेर नष्ट भइसकेका छन् । थाहा नभएको रोगबाट अलैँची यसरी सुकेर मर्न थालेपछि कृषकहरु सशङ्कित बनेका छन् ।
- न्युज बहार संवाददाता
