असोज १४, काठमाडौँ । पशुपतिनाथको सुनको जलहरीमा हिनामिना गरेको आरोपमा अख्तियार दुरूपयोग अनुसन्धान आयोगले तीन जनाविरूद्ध भ्रष्टाचारको मुद्दा दायर गरेको छ।
विशेष अदालतमा अख्तियारले आइतबार पशुपति क्षेत्र विकास कोषका तत्कालीन कोषाध्यक्ष मिलनकुमार थापा, स्टोरकिपर अरूणकुमार श्रेष्ठ र तत्कालीन सदस्य सचिव प्रदिप ढकालविरूद्ध मुद्दा दायर गरेको हो।
अहिले पनि मिलनकुमार थापा भने कोषका सदस्य सचिव छन्।
- न्युज बहार संवाददाता
