पुस २३, म्याग्दी । म्याग्दी जिल्लाको बेनी नगरपालिका–३, भकिम्ली राखुगाउँका कृषकहरुले सुन्तला बिक्री गरेर रु डेढ करोडभन्दा बढी रकम आम्दानी गरेका छन । कृषकहरुले यस वर्ष डेढ करोडभन्दा बढि गाउँमा भित्र्याउन सफल भएका हुन । तर जिल्लामा यस वर्ष समग्रमा सुन्तलाको उत्पादन घटेको जनाइएको छ ।

सुन्तला बिक्री गरेर राखुगाउँका एकै किसानले रु पाँच लाखदेखि रु नौ लाखसम्म आम्दानी गरेका छन् । यस वर्ष रु नौ लाखको सुन्तला बिक्री भएको राखुकी मनकुमारी पुनले बताएकी छन । विगत डेढ दशकदेखि उनले नर्सरी स्थापना गरी सुन्तलाको बिरुवा उत्पादन गर्दै आएका छन् । 

यस वर्ष पुनले अन्यत्र जिल्लाबाट आएका व्यापारीलाई बोटबाटै सुन्तला बिक्री गरेका हुन । अर्का अगुवा कृषक खिम पुनका अनुसार सुन्तला उत्पादनका लागि जिल्लामै प्रख्यात मानिने तल्लो र माथिल्लो राखुमा रहेका ६५ घरधुरीले यस वर्ष करिब डेढ करोडको सुन्तला फलाएको छन । न्यूनतम ३० हजारदेखि नौ लाखसम्मको सुन्तला सो गाउँका कृषकले उत्पादन गरेका छन् । 

सुन्तला जोन कार्यक्रमका संयोजकसमेत रहेका खिम पुनले यस वर्ष नयाँ बोटले समेत फल दिएकाले आम्दानी बढेको जानकारी दिए ।

कृषक पुनका अनुसार राखुबाट सुन्तला खरिद गरी सुर्केमेलाको सडकमा ग्रेडिङ गरी काठमाडौँ पठाउने गरिएको छ । 

• न्युज बहार संवाददाता