असोज १७, काठमाडौँ । प्रहरीले हालसालै दोलखाबाट भएको ११ किलो सुन तस्करी प्रकरणमा आज थप १ एक जनालाई पक्राउ गरेको छ । चीनको तिब्बत स्थायी ठेगाना भएका तासी दावा भनिने आगर लामा पक्राउ परेका हुन । केन्द्रीय अनुसन्धान ब्युरो (सीआईबी)को प्रारम्भिक अनुसन्धानबाट उन (आगर लामा)कै निर्देशनमा सुन तस्करी भएको खुलेको छ ।
उनी काठमाडौँको स्वयम्भू बस्दै आएका थिए । आज बुधबार उनलाई सोही स्थानबाट पक्राउ गरिएको हो । सीआईबीले उनी सुन तस्करी गरेर ल्याउन निर्देशन दिने भूमिकामा रहेको व्यक्ती भएको जनाएको छ तर प्रहरीले उनी नै सुन मालिक हुन् या हैनन अरु नै छन् भन्नेबारे भने थप खुलाएको छैन । ११ किलो सुन दोलखाको सिंगटी र लामाबगरबाट बरामद गरिएको थियो यो सुन चीन–नेपाल नाका ‘फलेक बोर्डर’ बाट तस्करी भएको थियो। ११ किलो सुन दोलखाको सिंगटी र लामाबगरबाट बरामद गरिएको थियो यो सुन चीन–नेपाल नाका ‘फलेक बोर्डर’ बाट तस्करी भएको थियो ।
- न्युज बहार संवाददाता
