मंसिर ३०, मकवानपुर । कोदो र फापर खेती गर्ने किसानलाई मकवानपुरको
भीमफेदी गाँउपालिकाले अनुदान प्रदान गर्ने घोषणा गरेको छ । अनुदान प्रदान गर्ने
घोषणा गरेपछि स्थानीय किसानहरु उत्साहित भएका छन्।
वडा
नम्बर– ३ मा गाउँपालिकाले कोदो उत्पादन
गर्ने किसानलाई नगद अनुदान वितरण समेत गरेको छ। शुक्रबार नगद अनुदान वितरण गर्दै पालिका अध्यक्ष हिदम
लामाले सहरबजारमा कोदो र फापरको उपभोग बढेकाले उत्पादन बढाएर मुनाफा आर्जन गर्न
किसानलाई आग्रह गरेका छन ।
दुई सय
६६ किसानले भीमफेदीको एक हजार ६० रोपनी जग्गामा कोदो खेती गरेको र त्यसबाट एक सय
मेट्रिक टन कोदो उत्पादन हुने अनुमान गरिएको छ।
पालिकाले
चालु आर्थिक वर्षमा कोदो उत्पादन बढाउन २० लाख अनुदानको व्यवस्था गरेको
अध्यक्ष लामाले बताएका छन ।
पालिका भित्र उत्पादित रैथाने बाली कोदो र फापरको न्युनतम समर्थन
मूल्य पनि गाँउपालिकाले निर्धारण गरेको छ।
चालु
आथिएक वर्षका लागि कोदोको न्यूनतम समर्थन मूल्य प्रतिकेजी ५५ र फापर प्रति केजी एक
सय गाउँपालिकाको आर्थिक विकास समितिको निर्णयअनुसार निर्धारण गरिएको छ।
- न्युज बहार संवाददाता
