पुस १२, कैलाली ।  व्यावसायिक तरकारी खेतीबाट कैलालीको धनगढी उपमहानगरपालिका–६ मटियारीका किसान बिखलु रानाले दैनिक रु दुई हजारसम्म आम्दानी गर्दै आएको बताएका छन् ।   

उनले बिगत बीस वर्षदेखि व्यावसायिक तरकारी खेती गर्दै आएका छन । उनले अहिले करिब नौ कठ्ठा जग्गामा व्यावसायिक उत्पादन गरिरहेका छन ।

तरकारी खेतीबाट उनले सबै खर्च कटाएर वार्षिक चारदेखि पाँच लाख रुपैयाँसम्म आम्दानी हुने गरेको बताएका छन ।

रानाका अनुसार तरकारी बिक्रीबाट प्रशस्त आम्दानी भइरहेकाले जीविकोपार्जनमा समस्या छैन, सानोतिनो समस्या पर्दा छरछिमेक र आफन्तलाई सहयोग गर्न पाएका छन ।  त्यस्तै उनले आफूले ऋण पनि लिनु नपरेको बताएका छन । उनको आठ जनाको परिवार छ । परिवारमा सबै खर्च बालबच्चाको पढाइलेखाइ तरकारी खेतीबाट नै चलेको छ।

उनले आफ्नो बारिमा मौसमी, बेमौसमी सबै किसिमका तरकारी लगाउने गरेका छन । 

दैनिक रु एक हजार पाँच सय देखि बढीमा रु दुई हजारसम्म आम्दानी हुने गरेको छ।

• न्युज बहार संवाददाता