भदौं २४,
काठमाडौँ । मध्य पहाडमा भदौमा लगाउने आलुबालीका लागि बीउ रोप्न नेपाल कृषि
अनुसन्धान परिषद् (नार्क) ले सुझाएको छ । नार्कले आज कृषि बुलेटिन सार्वजनिक गर्दै
खुमल रातो–४, खुमल सेतो –३, डेजिरे, कुफ्रिज्योती, खुमल उज्ज्वल, जनकदेव, खुमल विकास, खुमल उपहार, मध्ये उपलब्ध जातको स्वस्थ बीउ
आलु रोप्न सुझाएको हो ।
यससँगै बालीनालीमा रासायनिक विषादीको प्रयोग गर्दा सकेसम्म हरियो र नीलो लेबल भएको विषादी प्राविधिकको सल्लाह अनुसार प्रयोग गर्न नार्कले बताएको छ । नार्कले कडा घाम लागेको, धेरै हावा लागेको र पानी परिरहेका बेलामा विषादी नछर्कन समेत सुझाव दिएको छ ।
नार्कका अनुसार विषादी छर्कने बेलामा व्यक्तिगत सुरक्षा उपकरणहरू जस्तै– मास्क, पन्जा, चस्मा, बुट, एप्रोनको प्रयोग गर्नुपर्छ र विषादी छर्कँदाछर्कँदै अघि नबढी पछि सर्दै आउने गर्नु पर्नेछ ।
- न्युज बहार संवाददाता
