माघ १६, मकवानपुर
। बागमती प्रदेशका दुग्ध उत्पादक किसानहरुद्वारा प्रदेश सरकारले दिँदै आएको अनुदान
कटौती गरिएको र ‘मिल्क
होलिडे’ समस्या
समाधानमा चासो नदेखाएको बारेमा आन्दोलित भएका छन् ।
पशुपन्छी
तथा मत्स्य विकास निर्देशनालय, हेटौंडामा आन्दोलित किसानले सोमबार तालाबन्दी समेत गरेका छन्
।
अनुदानबापत
यसअघि प्रदेश सरकारले दुग्ध उत्पादक किसानलाई ३० करोड रुपैयाँ विनियोजन गरेकोमा
त्यसलाई घटाएर ५ करोड रुपैयाँ छुट्याएको थियो । स्थानीय तहले नै दुग्ध उत्पादक
किसानलाई अनुदान दिँदै आएको भन्दै दोहोरो अनुदान रोक्न प्रदेश सरकारले कार्यविधि
बनाएर बजेटसमेत कटौती गरेपछि किसान आन्दोलित भएका हुन् ।
दुग्ध
उत्पादक किसानका लागि कतिपय स्थानीय तहले अनुदानको व्यवस्था नगरेका कारण त्यस्ता
किसान मारमा परेको भन्दै आन्दोलन थालिएको र मिल्क होलिडे अन्त्यका लागि समेत
प्रदेश सरकारले चासो नदिएको आरोप लगाउँदै किसानहरु आन्दोलित हुँदै आएका छन् ।
- न्युज बहार संवाददाता
