फागुन ८, काठमाडौँ । यो वर्षको माघ महिनामा घरजग्गाको कारोबार
बढेको छ। भूमि व्यवस्था तथा अभिलेख विभागको तथ्यांकअनुसार चालु आर्थिक वर्ष
२०७९/८० को पुसको तुलनामा माघमा घरजग्गा कारोबार बढेको हो।
भूमि व्यवस्था तथा अभिलेख विभागको तथ्यांकअनुसार पुसको तुलनामा
माघमा घरजग्गा कारोबार करिब १४ प्रतिशत बढेको छ।
पुसमा काठमाडौं उपत्यकामा घरजग्गा किनबेचको
संख्या एक हजार नौ सय ९ मात्र थियो भने यस्तो किनबेचको संख्या माघमा दुई हजार एक सय ९० छ। यो आर्थिक
वर्षको सातै महिनामा घरजग्गा कारोबार अघिल्लो आर्थिक वर्ष
भन्दा कम छ।
अघिल्लो आर्थिक वर्ष २०७८/७९ मा को तुलनामा
यो वर्ष कारोबार निकै कम भएको विभागको तथ्यांकले बताएको हो। पोहोर साउनदेखि माघसम्म जम्मा कुल कारोबार संख्या ३२ हजार ८
सय ९० थियो तर यस वर्ष यही
अवधिमा पनि जम्मा १३ हजार
३ सय १६ संख्यामा मात्र घरजग्गा कारोबार भएको छ।
