बैशाख २५, काठमाडौँ । केन्द्रीय दुग्ध सहकारी संघले कच्चा दूध तथा दुग्धजन्य वस्तुको आयात खुलाउन नहुने बताएको छ । दैनिक १ लाख २० हजार लिटर कच्चा दूध आयातका लागि तथ्यगत अध्यन र विश्लेषण नै नगरी कृषि तथा पशुपन्छी विकास मन्त्रालयमा सिफारिस गरेकामा राष्ट्रिय दुग्ध विकास बोर्डले गम्भीर आपत्ति जनाउँदैसंघले हाल दूध आयात गर्नुपर्ने अवस्था नरहेको बताएको छ ।
अहिले दूधबाट बनेको छुर्पीसमेत बाहिरी मुलुकमा निर्यात भइरहेको अवस्थामा राष्ट्रिय दुग्ध विकास बोर्डको सिफारिसमा बाह्य मुलुकबाट दैनिक १ लाख २० हजार लिटर कच्चा दूध आयातका लागि कृषि तथा पशुपन्छी विकास मन्त्रालयमा सिफारिस भएकोमा संघको गम्भीर ध्यानाकर्षण भएको जानकारी गराएको छ ।
- न्युज बहार संवाददाता
