फागुन ९, काठमाडौँ । स्वदेशमा उत्पादन भएको धुलो दूधको माग घटेपछि झापामा दूध तथा दुग्धजन्य सामग्री उत्पादन एवं बिक्री (डेरी सञ्चालन) गर्दै आएकाहरूले व्यवसाय सञ्चालनमा समस्या भएको गुनासो गरेका पोखेका छन । किसानलाई भुक्तानी दिननसक्ने अवस्थामा आफूहरु पुगेको स्थानीय किसानले उत्पादन गर्दै आएको गाई भैँसीको दूध सङ्कलन गरी बजारीकरण गर्दै आएका साना तथा मझौला डेरी व्यवसायीले दुखेसो राखेका छन् ।
दमक– १० का
गाईपालक किसान नवराज न्यौपानेले केही समय अघिमात्र दूधको मूल्यमा केही वृद्धि
हुँदा निकै उत्साहित देखिएका किसान अहिले समयमानै दूधको भुक्तानी पाउन नसक्दा
निराश हुनुपरेको बताएका छन ।
अहिले दुग्ध डेरीले दूधका
साथै घिउ, दही, पनिर
लगायत दुग्धजन्य वस्तु उत्पादन तथा बिक्री गर्दै आएको छ । व्यवसायीहरूका अनुसार नेपाली बजारमा भारतीय उत्पादनले निकै
प्रभाव जमाउँदै आइरहेको समयमा दूधको बजारमा पनि समस्या आएको हो । उनीहरूको बुझाइ अनुसार भारतीय उत्पादनको लागत मूल्य कम हुनु
र नेपाली उत्पादनको लागत मूल्य बढी भएकाले दूधको बजारमा समस्या भएको हो ।
- न्युज बहार संवाददाता
