जेठ
२४, तनहुँ । तनहुँ जिल्लाको कृषि ज्ञान केन्द्रले समूहमा आबद्ध भएका कृषकलाई एक सय
५३ मौरीसहितको घार वितरण गरेको छ। आँबुखैरेनी, म्याग्दे, बन्दीपुर गाउँपालिकामा ४६, ४६ वटाका
दरले र ऋषिङमा १५ वटा गरी कृषकलाई एक सय ५३ मौरीसहितको घार वितरण गरिएको हो।
कृषि ज्ञान केन्द्रका कार्यालय प्रमुख कुलप्रसाद तिवारीले आँबुखैरेनी–४ खस्राङ गाउँका कृषक समूहमा आबद्ध २६ कृषकलाई ९० प्रतिशत अनुदानमा ४६ वटा मौरीसहितको घार प्रदान गरेको जानकारी दिएका छन ।
कृषकलाई मौरीसहित घार, स्ट्याण्ड, पन्जा, धुवादानी, टोपी, महदानीलगायतका आवश्यक पर्ने सबै सामग्री प्रदान गरेको उनले बताएका छन।
