साउन १०, काठमाडौँ । बिहिबार साताको अन्तिम कारोबार दिन नेप्से परिसूचक बढेर बन्द भएको छ।
नेप्से
परिसूचक आज ३२.०२ अंक(१.२६ प्रतिशत)ले बढेर २५६८.१३ विन्दुमा बन्द भएको छ।
यस दिन नेप्से बढेपनि कारोबार
रकम भने अघिल्लो दिनको तुलनामा घटेको छ। बजारमा यस दिन ३२० स्टकको १ लाख ५९ हजार
७५७ पटकको कारोबारमा १४ अर्ब १३ करोड ७८ लाख रुपैयाँबराबरको ३ करोड ५५ लाख ९४ हजार
कित्ता शेयर खरिदबिक्री भएको छ।
आज ४ स्टकको शेयर सकारात्मक सर्किट लेभलमा कारोबार भएको
छ भने यस दिन सर्वाधिक ७.६५ प्रतिशतले मितेरी डेभलपमेन्ट बैंकको शेयरमूल्य घटेको छ।
यस दिन कारोबार रकमका आधारमा सानिमा जीआईसी इन्स्योरेन्स
शीर्ष स्थानमा रहेको छ। उक्त कम्पनिको ३४ करोड १७ लाख रुपैयाँबराबरको शेयर कारोबार
भएको छ।
आज कारोबारमा आएको १३
उपसमूहमध्ये ९ उपसमूहको परिसूचक बढेको छ भने ४ उपसमूहको परिसूचक घटेको छ। यस दिन सर्वाधिक
६.८३ प्रतिशतले लघुवित्त उपसमूहको परिसूचक बढेको छ।
- न्युज बहार संवाददाता
