पुस
११, काठमाडौँ । आज बुधबार हिमालयन रि
इन्स्योरेन्स लिमिटेडको आईपीओ बाँडफाँट भएको छ। ताज रिसेप्सन, सुवर्ण शमशेर मार्ग बालुवाटारमा बिहान
१० बजे कम्पनीको आईपीओ बाँडफाँट भएको हो।
मंसिर २७ गतेदेखि पुस १
गतेसम्म कम्पनीले प्रतिशेयर १०० रुपैयाँ अंकित मूल्यमा १०६ रुपैयाँ प्रिमियम थप
गरी प्रतिकित्ता २०६ रुपैयाँमा सर्वसाधारणका लागि २ करोड ४९ लाख कित्ता शेयर
निष्काशन गरेको थियो। उक्त आईपीओमा कुल १५ लाख ७३ हजार २१९ जनाले आवेदन दिएका थिए।
त्यीमध्ये ८ हजार ६५५ आवेदन रद्द भएको छ भने १५ लाख ६४ हजार ५६४ आवेदन स्वीकृत
भएको थियो ।
स्वीकृत आवेदनमध्ये १० देखि ३० कित्तासम्म आवेदन दिने आवेदकले आवेदन दिएजत्ति शेयर प्राप्त गरेका छन्। यसरी बाँडफाँट गर्दा बाँकी रहेको २ लाख ९० हजार २१० कित्ता शेयर ३० कित्ताभन्दा बढी आवेदन दिने लगानीकर्ताहरुलाई बाँडफाँट गरिएको छ। जस अनुसार २९ हजार २१ आवेदकले थप १० कित्ता अर्थात ४० कित्ता शेयर प्राप्त गरेका छन्।
- न्युज बहार संवाददाता
