बैशाख ११, काठमाडौं । आईपीएल - इन्डियन प्रिमियर लिग २०२३ को हिजो आइतबार राति भएको दोस्रो खलेमा कोलकाता नाइट राइडर्सलाई चेन्नाई सुपर किंग्सले ४९ रनले पराजित गरेको छ ।
यस सिजनमा चेन्नाईको यो पाँचौ जित हो । यस सँगै चेन्नाई ७ खेलबाट १० अंक जोडेर अंक तालिकाको शीर्ष स्थानमा उक्लेको छ । कोलकाताको यो पाँचौं हार हो । कोलकाता ७ खेलबाट ४ अंकसहित आठौं स्थानमा रहेको छ ।
गएराति एडेन गार्डेन कोलकाताको घरेलु मैदानमा भएको खेलमा चेन्नाईले पहिले ब्याटिङ गर्दै २३५ रनको बिशाल लक्ष्य बनाउन सफल भएको थियो ।
यता कोलकाताले २३६ रनको लक्ष्य पछ्याएकोमा २० ओभरमा ८ विकेट गुमाएर १८६ रन मात्र बनाउन सक्यो ।
- न्युज बहार संवाददाता
