बैशाख २८, काठमाडटँ। पक्राउ परेका पूर्वप्रधानमन्त्री इमरान खानलाई पाकिस्तानको सर्वोच्च अदालतले एक घन्टाभित्र अदालतमा उपस्थित गराउन आदेश दिएको छ।
पाकिस्तानको द डन समाचार पत्रका अनुसार बिहीबार दिउँसो पाकिस्तानका प्रधानन्यायाधीश उमर अता बान्डिअलसहित तीन न्यायाधीशको इजलास खानलाई एक घन्टाभित्र अदालतमा उपस्थित गराउन नेशनल एकाउन्टबिलिटी ब्युरोलाई आदेश दिएको हो।
पूर्वप्रधानमन्त्री इमरान खानका वकिलले खानलाई गैरकानुनी तरिकाले पक्राउ गरिएको भन्दै सर्वोच्चमा रिट दिएका थिए।
सर्वोच्चले उक्त रिटमा आजै फैसला सुनाउने द डन समाचार पत्रमा उल्लेख गरेको छ।
- न्युज बहार संवाददाता
