साउन ९, काठमाडौँ । युक्रेनका अन्न भण्डारलाई
लक्षित गरी रुसले आक्रमण गरिरहेको छ । सोही क्रममा रुसले ड्रोन द्वारा ओडेसा शहरको
बन्दरगाह क्षेत्रमा हमला गरेको छ।
बीबीसीले उल्लेख गरे अनुसार करिब चार घण्टासम्म गरिएको आक्रमणबाट अन्न डिपोहरु नष्ट भएका छन भने चार जना श्रमिक घाइते समेत भएका छन ।
यसैगरी रुसले कब्जा गरेको क्राइमियामा युक्रेनले ड्रोन आक्रमण गर्दा दुई वटा भवनमा क्षति पुगेको छ ।
युक्रेनसँगको अन्न निर्यात सम्बन्धी सम्झौता रुसले यही जुलाई १७ तारिखमा रद्द गरेको घोषणा गरेको थियो । बीबीसीले जनाए अनुसार घोषणा रद्द गरेपश्चात रुसले युक्रेनका अन्न डिपोहरुलाई निशाना बनाएर आक्रमण गरिरहेको छ।
रुसको आक्रमणबाट एक साताको बीचमा युक्रेनको ६० हजार टनभन्दा बढी अन्न नष्ट भइसकेको अधिकारीहरुले बताएका छन।
- न्युज बहार संवाददाता
