चैत
१८, काठमाडौँ । बर्थडेको केक खाँदा एक बालिकाको मृत्यु भएको घटना सार्वजनिक भएको छ
। छिमेकी राष्ट्र भारतको पञ्जाब शहरको पटियालामा जन्मदिनमा काटेको केकले १०
वर्षीया बालिकाको ज्यान नै गएको हो । अनलाइन मार्फत जन्मदिनको केक अर्डर गरिएको थियो
।
जन्मदिनमा काटिएको केक खाएका परिवारका अन्य चार सदस्यको स्वास्थ्य पनि
बिग्रिएको छ । मार्च २४ मा १०
वर्षीय मानवीको जन्मदिन थियो । आफ्नो बेलुकी ६ बजे एक कम्पनीबाट अनलाइन केक अर्डर
गरिएको र केक बेलुकी साढे ६ बजे घरमै आइपुगेको थियो । उक्त चकलेट केक ‘केक कान्हा’ कम्पनिबाट अर्डर गरिएको
थियो।
केक खाए लगतै मानवि र
उनका परिवारका सदस्यको स्वास्थ्य बिग्रन थालेको बताइएको छ । राति १० बजेसम्म सबै
परिवार बिरामी परेका थिए । त्यसलगत्तै केक खाएका दुबै दिदीबहिनीलाई बान्ता हुन थालेको थियो । अत्यधिक तिर्खा र मुख
सुख्खा भएको गुनासो गर्दै मानवीले पानी मागेकी थिइन् । त्यसपछि उनी सुत्न
गइन्।
बिहान उठ्दा उनको शव चिसो अवस्थामा रहेको र बालिकाको मृत्यु
भइसकेको जनाइएको छ । उनलाई सोही अवस्थामा तुरून्त अस्पताल पुर्याइएता चिकित्सकले मानवीलाई मृत घोषणा
गरेका थिए।
यो
घटना पछी प्रहरीले यतिबेला परिवारको उजुरीमा केक पसलका मालिकविरुद्ध मुद्दा दर्ता
गरिसकेको छ । आईपीसीको धारा २७३ र
३०४ एअन्तर्गत बेकरी पसल मालिक विरुद्ध मुद्दा दर्ता गरिएको छ।
- न्युज बहार संवाददाता