मंसिर २५, काठमाडौँ । यही डिसेम्बर २४ अर्थात पुस ९ गतेदेखि नेपालमा
पहिलोपटक अन्तर्राष्ट्रिय हट एयर बेलुन फेस्टिभल हुने भएको छ । हट एयर बेलुन फेस्टिभल पर्यटकीय राजधानी
पोखरामा सुरू हुनेछ ।
पोखराको
पामे फाँटमा बेलुन नेपाल प्रालिको आयोजनामा हुन लागेको फेस्टिभलमा नेपालसहित २०
देशका व्यावसायिक बेलुन कम्पनीको सहभागिता रहने जनाइएको छ ।
फेस्टिभलका
इन्टरनेसनल संयोजक रोबर्ट विकका अनुसार क्रिसमस र अंग्रेजी नयाँ वर्षको अवसर पारेर
हुन लागेको फेस्टिभल सन् २०२५ को पहिलो दिन १ जनवरीसम्म चल्ने छ ।
आयोजक
कम्पनीका प्रबन्ध निर्देशक एवं फेस्टिभल संयोजक सविन महर्जनले यस महोत्सव पामे
क्षेत्रको लौरूकदेखि चङ्खपुरसम्म तीन किलोमिटर क्षेत्रमा आयोजना हुनेछ भने
फेस्टिभलमा लिथुनिया, अमेरिका, स्पेन, भियतनाम, थाइल्याण्ड
लगायत
मुलुकका कम्पनीले भाग लिने बताएका छन ।
यस बाहेक
फेस्टिभलमा हरेक दिन फुड स्टल, सांगीतिक कार्यक्रम, मेला र अन्य खेल समेत हुने
जनाइएको छ ।
- न्युज बहार संवाददाता
