असोज २४, जनकपुर। विमानस्थलको धावनमार्गमा अनधिकृत व्यक्तिहरु प्रवेश गरेको भन्दै जनकपुरधाम विमानस्थलका प्रमुख भीम दत्त पन्तले सुरक्षा निकायलाई पत्र लेख्न लागेको बताएका छन् ।
यति एयर चढेर जनकपुरधाम पुगेका ओलीलाई स्वागत गर्न एमाले कार्यकर्ताहरु धावनमार्गमै पुगेका र उनीहरु विमानको ढोकासम्मै पुगेका पन्तले बताएका छन ।
अतिथिलाई स्वागत गर्न भीआईपी कक्ष र धावन मार्ग बाहिरै पाँचजना मात्र जान पाउने नियम भए पनि नेता कार्यकर्ताले नियम मिच्ने गरेकोले उनले यो घटनाले हवाई सुरक्षाको उल्लंघन भएको भन्दै सुरक्षा गार्ड, सुरक्षा निकायलाई, पत्र लेख्न लागेको बताए ।
- न्युज बहार संवाददाता
