चैत १९, काठमाडौँ । आजदेखि काठमाडौँस्थित त्रिभुवन
अन्तर्राष्ट्रिय विमानस्थलको रनवेको उत्तरतर्फको विन्दु (टु-जिरो)बाट जाहाज
अवतरणमा रोक लगाइएको छ । आजदेखि तीन महिनासम्म जहाज अवतरणमा रोक लगाइएको भएपनि उडान भने निरन्तर हुने जनाइएको छ ।
रेनवेको
दक्षिणतर्फको विन्दु (जिरो-टु)बाट मात्र अब जाहाज अवतरण हुने छ । यही कारणले गर्दा
अब केही दिन दक्षिण तर्फको रनवेमा केही चाप बढ्ने देखिएको छ ।
विमानस्थलको
पूर्वाधार सुधारको क्रममा उत्तरतर्फ ट्याक्सी-वे निर्माण तथा विस्तारको काम
भइरहेकाले आजदेखि बौद्धतर्फको टु-जिरो रनवेबाट जहाज अवतरण गर्न रोक लगाइएको
जानकारी काठमाडौँ विमानस्थलका महाप्रबन्धक प्रतापबाबु तिवारीले दिएका छन । यसबाट धेरै
पर्वतीय उडान र आन्तरिक उडान प्रभावित हुने देखिएको छ । तिवारीले यो रोक अनुमानित
तीन महिनाका लागि भएको बताएका छन ।
- न्युज बहार संवाददाता