जेठ ४, काठमाडौँ
। नेपाली सेनाको अगुवाइमा सञ्चालन भइरहेको सफा हिमाल अभियानमा सहभागी टोलीले गत
चैत २९ गतेबाट सगरमाथाको क्याम्प ४ बाट एक र ल्होत्से हिमालको शिखर नजिकबाट एक
जनाको शव खोज निकालेको छ ।
सो
क्षेत्रको लोलापास फेदी इलाकाबाट मानव अस्थिपञ्जर सङ्कलन गरिएको हो । नेपाली
सेनाको सैनिक जनसम्पर्क तथा सूचना निर्देशनालयका अनुसार उक्त मानव अस्थिपञ्जरलाई आज
हवाई साधनमार्फत त्रिवि शिक्षण अस्पताल, महाराजगञ्जमा ल्याइनेछ ।
सोही
अभियानका दौरान निर्देशनालयले हालसम्म आठ हजार ६२० किलो फोहर सङ्कलन गरिएको र त्यसमध्ये
दुई सय ५० किलो कुहिने फोहर सगरमाथा प्रदूषण नियन्त्रण समितिलाई हस्तान्तरण गरेको
आज जानकारी दिएको छ ।
जैविक
विविधता तथा पर्यावरण संरक्षण गर्ने उद्देश्यले सेनाले सफा हिमाल अभियान सञ्चालन
गर्दै आइरहेको छ ।
- न्युज बहार संवाददाता
