फागुन ८, पोखरा । पोखराको हट एयर कम्पनि बेलुन नेपालद्वारा
थाइल्याण्डमा सम्पन्न 'इन्टरनेसनल
बेलुन फियस्ता २०२४' मा
सहभागीता जनाएको छ।
नेपालको
प्रतिनिधित्व गर्दै पोखराको बेलुन नेपाल कम्पनीका अध्यक्ष बिक्रम बाडे र निर्देशक
बि बि ढकाल गत बुधबारदेखि थाइल्याण्डको सबैभन्दा चिसो सहर च्याङराईमा आयोजना भएको
पाँच दिने सो फेस्टिभलमा सहभागी भएका हुन्।
उक्त फेस्टिभलमा
२० व्यवसायिक तथा ६० वटा मिनी सहित ८० वटा बेलुन उडाइएको थियो। जसमा नेपालसहित
१२ वटा मुलुकका बेलुन कम्पनीको सहभागीता रहेको थियो।
निर्देशक
ढकालका अनुसार उक्त कार्यक्रममा विभिन्न बेलुनमा २० वटा मुलुकको राष्ट्रिय झण्डा
फहराइएको थियो भने त्यी मध्ये एउटा बेलुनमा
नेपालको राष्ट्रिय झण्डा फहराइएको थियो ।
यस कार्यक्रममा
हरेक दिन विभिन्न किसिमका प्रतियोगितात्मक खेल आयोजना गरिएको थियो।
निर्देशक
ढकालले विभिन्न किसिमका प्रतियोगितात्मक खेलको पर्यवेक्षकको रूपमा बेलुन नेपाल कम्पनीले
सहभागीता जनाएको थियो ।
- न्युज बहार संवाददाता
