चैत ३०, काठमाडौँ। बिहीबार काठमाडौं-पोखरा उडान खराब मौसमका कारण अवरुद्ध भएका छन्। त्रिभुवन अन्तर्राष्ट्रिय विमानस्थलले आज दिउँसो १२:१० बजेदेखि नै उडान अवरुद्ध भएको जानकारी गराएको छ। उडान अवरुद्धभएका कारण यात्रुहरू अलपत्र परेका छन्।
हाल बुद्ध, यति, सौर्य, श्री एयरलाइन्सले काठमाडौं-पोखरा उडान गर्दै आइरहेका छन्। यसमध्य बुद्ध एयरले मात्र रात्रीकालिन उडान गरिरहेको छ।
पोखरामा उडानका लागि ३ हजार ८ सय भिजिविलिटी चाहिने तर अहिले दुई हजार भिजिविलिटी मात्र भएको बुद्धका प्रवक्ता दिपेन्द्र कुमार कर्णले बताएका छन भने 'मौसम खुल्यो भने बेलुका ८:१५ सम्म सबै उडान हुनेछन्,' प्रवक्ता कर्णले जानकारी गराएका छन।
यस्तै बिहीबार काठमाडौं-भरतपुर उडान पनि अवरुद्ध भएको त्रिभुवन अन्तर्राष्ट्रिय विमानस्थलले जानकारी गराएको छ।
- न्युज बहार संवाददाता
